عيالنا وجون سينااااااا....

**وهج المشاعر** · 20-04-2011, 09:28 PM

السلام عليكم ورحمة الله وبركاته

عساكم بصحه وعافيه
المهم ندش في الموضوع...
ام بي سي اكشن >>> كل خميس تقوم هذه القناه بعرض المصارعه الحره ..

وطبعا لا يظل جون سينا ولا راندي اورتن ولا بنج شو <<< بتقولوا الاخت حافظه بس ترا من كثر ما اسمع

وانواع العنف معهم لدرجه انك ما تقدر تطالع هالحركات ...

بس اللي دفعني الى كتابة هالموضوع هو عيالنا

بذكر لكم بعض المواقف..

-مره كنت رايحه المدرسه برفقة ام
والا اشوف لكم ذاك الولد اللي راكب فوق الطاوله ويصرخ بأعلى صوته جون سينا ....
وطب على ظهر ربيعه ....

- ما ظل ولد في عايلتنا ما سوا هالحركه

-ومره عيال مسوين حلبه وطبعا اثنين في النص ويقلدوا حركات المصارعين لدرجه ان واحد منهم كان بيموت بسبتها ...

- ولد الجيران مسوي اشد انواع العذاب لأخوانه ...

- لا وازيد من الشعر بيت البنات صارت ما تفوت مصارعه من مصارعاته ...

هذا غير الصور الموضوعه في الجوالات وغيره وغيره اكتفي بذكر ما سبق...

شو نهايه هالاندفاع ... ووجود الشر والعدوانيه..

نقاش:

هل انتي او انت من مشاهدي مثل هذه البرامج؟

هل مررت بمثل هذه المواقف؟

عندما نقوم بمنع ابنائنا من مشاهدة مثل هالبرامج هل سنمنعهم بالتحريم القاطع ام هناك طريقه اخرى لتوصيل القناعه الذاتيه لعقول أبنائنا؟؟؟

ما هيه افضل السبل للتخلص من هذه الظاهره؟؟؟

ارجوا ان لا اكون قد اطلت عليكم الحديث بإنتظار رائكم

ṧḫễḫḫị · 20-04-2011, 10:50 PM

المصارعة المصارعة المصارعة انتشرت انتشاارا رهيبااا هالاياام

بس اذا هم يقلدوهم فامنعووهم من متابعتهااا حتى يكفووا عن تقليدهم

............زز

**بنت مسندم** · 21-04-2011, 08:16 AM

اشكرج اختي ع الموضوع
تقبلي مرووووووووووري

**رحــــــــال الجري** · 22-04-2011, 01:15 AM

ههههههههههه
موضوع جميل..
مشكله هالأولاد على طول يقلدون خصوصا الأشياء اللي فيها مصارعه وقتل وحركات عجيبه
حتى الواحد يتعجب منهم..
أتمنى من الأباء يكونون حريصين على أبنائهم لان في دراسه تقول الولد من عمر 5 سنين الى 10 سنين
على طول يقلد اللي يشوفه..
بعد لو يخلوهم يتابعون كرة قدم بعده أحسن يمكن يطلع واحد منهم مثل مارادونا..
هههههههههه
ونتمنى من وسائل الأعلام والمحطات التلفزيونيه أنهم يعرضوا افلام وقصص كرتونيه عن الصحابه والأبطال العظماء..
تقبلي ردي..

**Miss.java** · 22-04-2011, 01:27 AM

ها !!!

أنا واخواني وخواتي ، وعيال عمي وعيال أختي .. كلنا لما كنا صغار نشووف مصارعه حره ..
أنتر تيغر ، هوجن ، شو مايكل ، وغيرهم ..

والحمدلله هذولا نحن طبيعين
لا ضربنا ولا قتلنا

خخخ

عيال هالجيل بعد غير شكل !
سبحآن الله
ولله في خلقه شؤون

تُشكري على الموضوع خيتي وهج ..

**قصيد** · 22-04-2011, 11:21 AM

احنا نشوف المصارعة وتعيبنا بس بعمرنا مانفكر نأذي اي أحد

المصارعة فن بحد ذاتها ومب اي واحد يطالعها

تسلمين اختي ع موضوعج الحلو

نتريا اليديد منج

**وهج المشاعر** · 22-04-2011, 11:41 AM

أشكركم ع مرووووووركم الطيب

**قطع سكر** · 23-04-2011, 12:22 AM

اي فن هذا ؟؟؟!!... بصراحه انا اعارض .......................... فن الضرب والشتم والقتل يعتبر عفن مو فن ...........
اختي وهج فعلا لاحظت هالشي وايد ...وحافظين الحركات واساميهم ... وبغض النظر عن امور اخلاقية اخرى ........... احنا مسلمين .... نبينا امرنا بالحب بالرحمة ..... انا اقول احذفو القناة الي يطلع فيها البرنامج وبس.... تقبلو ردي

**الجووري** · 01-05-2011, 12:52 AM

ياااخواني وخواتي,,
اصلا المصارعه مو زيين البنات يشوفونه موووو زييين
قريت أكثر من فتوى فيها ينفون مشاهدة المصارعه بحكم اللبس وغيره من الاثار السلبيه اللي يتركه للصغار والكبار

تقبلو مروري,,,

**تآآمْـيے** · 17-08-2011, 04:13 PM

انا كل الاولاد الصغار الي اعرفهم ما عندهم سالفة غير جون سيناا و the rock
وغيرهم ...

انا عن نفسي ما اتابعها
بس بالنسبه للبليستيشن
امووووووت ع شي اسمه لعبه مصارعة wwe
هع

يسلمووووووو ع الموضووع

تقبلو مروري

الموضوع: عيالنا وجون سينااااااا....

أدوات الموضوع

بحث في الموضوع

عيالنا وجون سينااااااا....

معلومات الموضوع

الأعضاء الذين يشاهدون هذا الموضوع

المفضلات

المفضلات

ضوابط المشاركة