عجيبه جدا =/ بنت كانت تطالع واحد بعين قويه‎

**عذب المعاني** · 16-04-2011, 08:17 AM

بنت كانت تطالع واحد بعين قويه

المهم الرجال طلع شاعر

وما قصر فيها كم بيت عشان تتأدب

لكن المفاجأه هي ؟؟؟؟
وش صار؟؟

تابع القصيدة

يقول:

كل شبر بهالوسيعـه ملـك ربـي تعلميـن
وأعلم إن اللي خلقني هو خلق لـك هالعيـون

لكن انتي من جلستي وانتـي فينـي تحدقيـن
كن ما به ناس غيري بهالكراسـي يجلسـون

لو سمحتي عاد أسمعي وحتى لو ما تسمحيـن
المهـم اللـي بقولـه تسمعينـه و يسمعـون

ع الأقل ليا نظرتك سـوي روحـك تستحيـن
غضي طرفك مثل غيرك خوف ربعي يلمحون

الركادة عاد زينة والحياء فـي البنـت زيـن
وفيـك جآزم لا ركـادة ولا حيـاءٍ يـذكـرون

تعرفينـي ؟! أعرفـك ؟! ماأذكـر إنــا ملتقـيـن
لا أعرفك من تكوني و لا تعرفي مـن أكـون

وإطمأني إن كان قصدك بس فينـي تشبهيـن
ما هـو أنـا إلي تعرفيـه والبشـر يتشابهـون

مـا دريتـي من التشابـه يخلـق الله أربعيـن
وأعرف أربع يشبهنك بـس والله يستحـون

وإن كان قصدك شي ثاني عاد قولي وش تبين
خايف إنا نصير فرجة وإللي ماشتروا يتفرجـون

وإذا ببالك عاجبتنـي لا يحوشـك تحلميـن
صح ربعي من جمالك فيـك صـار يمدحـون

بس وش لي في حلاتك دام فيهـا ترخصيـن
حشمة البنـت وحياهـا والكرامـة يلفتـون

ولو توفر فيك هـذا مـع حلاتـك تبشريـن
ما هو أنا ألف غيري بـاب بيتـك يطرقـون

وش علامك رغم كل اللي أقولـه وتسكتيـن
مو طبيعي هالسكوت وهالبـرود وهالسكـون

إنتـي خرسـا أسألـك ولا منتي تسمعيـن؟؟
قالوا ربعي ذي كفيفـة قلـت لا لا تمزحـون

لين شفتك يوم رحتـي يمسكونـك باليديـن
ما دريت إلا عيونـي أربـع أربـع يذرفـون

آه ياني منه مشهـد يـوم شفتـك ترحليـن
جيت اشوف عيون ربعي لقيت الكـل يدمعـون

يالكفيفة يالعفيفـة إن قلـت آسـف تقبليـن؟؟
يغفر الله ذنوب عبده ليا خطا وهـل تغفـرون؟؟؟؟

روووووووعة

الفائدة: لا تحكم بتسرع على اي شي

((ان بعض الظن اثم))

**دمع القلوووب** · 19-04-2011, 02:14 PM

عجيييييييييييييييييبة القصيدة والاوع هو الحكمة منها

صرااحة عجبتني كثييييييييييييير وصح لسان كاتبها

تسلمي اختي على النقل الطيب للقصيدة وما عليج زوووووووووووووود

منوووورة القسم

**عذب المعاني** · 19-04-2011, 07:14 PM

المشاركة الأصلية كتبت بواسطة DAM3-ALQOLOOB

عجيييييييييييييييييبة القصيدة والاوع هو الحكمة منها

صرااحة عجبتني كثييييييييييييير وصح لسان كاتبها

تسلمي اختي على النقل الطيب للقصيدة وما عليج زوووووووووووووود

منوووورة القسم

تسلم آخوي
ها من ذوقك

نورتني بها الطلة
دمت بحفظ الله