,,كــل الــحلا ياخــذ ويعطــي مـن حلاتـــه,,

**الجووري** · 14-04-2011, 04:01 AM

مساكم الله بألف خير خواتي,,,

حبيت اطرح هالموضوع البسيط واتمنى من الكل يشارك فيه

باختصــــاار,,,الفكره هي ان كل عضوه فينا تحط نوع من السويتات (الحـــلى)
سواء كان كيك او ايس كريم او اي نوع من الحلويات

اتمنى منكم المشاركه خواتي

**الجووري** · 14-04-2011, 04:43 AM

وعن نفسي بكون اول مشاركه وبحط اول سوييييت

احم احم
بسم الله نبدأ,,,,
المقادير ..
1 علبة بسكوت أولكر مطحون (العلبه الكبيره)
1 كأس ماي
1 ظرف دريم ويب
1 ظرف كريم كراميل
1 فنجان حليب بودره
3 ملاعق كبيره نوتيلا
شوي قرفه
(1 ملعقه صغيره نسكافيه اذا حبيتي اضيفيه)

الطريقه سهله وبسيطه ..
نحط كل المقادير في خلاطة (خلاط الكاس)
اخلطيهم جيدا وبعدها حطيهم فكاسات صغيره

وللتزيين رشي عليهم شكولاته مبشوره
وصحتين وعااافيه

انا سويتها اكثر من مره... احسها سهله وبسيطه والكل يعيبه

**عذب المعاني** · 15-04-2011, 08:06 PM

السينـآبون( وناااســهـ ) ..~

المقـآدير ::

3 كاسات دقيق
قشطه
بيضه
ملعقتيـن خميره
رشـة ملح
مـآآء
نص كـآس حليب سايل

نعجنهـآآ مع بعض وبالاخير نحط المـآآء

الطـــريقـــة ::

نفرد العجينـه وندهنها بالـزبده ,,
ونرش عليهآ سكـــر بني وقرفـــة مطحـــونة ,, وقطع سرز

ونلفهـــآ بشكل آسطوآني آو طولي

ونقطعهـآ آنآ قطعتـهآ بالخيط عشآن تطلع آرتــب
ونحطهـآ بالصينيـه ,,

وندخلـــهآ الفـــرن
لين تتحمر من تحت وفوق

الصوووص ::

في الخـــلآط
جبن كيــري, ونستلـــة ’’حسب الكمية اللي حآبتهآ ’’

وآخـــر شي تزينهآ بالهيريشي
آو تذوبي 3جآلكـــسي بحمآم مآئي مع قشطة

**أمة الله** · 15-04-2011, 08:34 PM

نتمى من كل الأخوات العضوات المشاركة لنستمتع بأكلات لذيذة،
موضوعك واااايد حلو ويستاهل التثبيت ،
تسلمي الأخت جووري

**الجووري** · 17-04-2011, 07:37 PM

مشكووووووره اختي امه ^.^
فدييييتج والله
وان شا الله اتمنى من الكل فعلا يتفاعل

**الجووري** · 18-04-2011, 04:49 PM

المطلقـــه ,,,( هالحلى وااايد سهل وحلو .. اهو نفس الكريم كراميل شكلا بس فيه بعض الاضافات )

يللا نبدأ بالمقادير ...نحتااج لـــ..

1 ظرف كريم كراميل
1 قشطه ( اللي هو قيمر )
1 حليب ابو قوس
نص كوب ماي ( خفي من النص شوي يعني خليه بين النص والربع احسن

)
1 دريم ويب
والحين نشوف الطريقه....
نخلط كل المقادير بجدر ( منجل يعني

) ونحطه ع النار مع الاستمرار فالتحريك والخلط
لحد مايغلي شوي
(بنفس الوقت خلي احد يجهز طوس صغار نفس اللي نحط فيه الكريم كراميل ونحط بالقاع شوي من الكراميل( هالظرف الاسود اللي يكون ويا الكريم كراميل

) )
بعدها وزعي الخلطه بالطوس او كابات (ماعرف شو تسمونهم

)
ونحطه بالثلاجه

وبالتقديم نقلبه بصحون صغار حلوين,,,
ووووبـــس ,,

بالعاااافيه عليكم

**ولد مسندم 92** · 18-04-2011, 11:30 PM

موضوع واااااااااااااايد حلو

**أمة الله** · 19-04-2011, 06:37 PM

بسم الله الرحمن الرحيم
السلام عليكم ورحمة الله وبركاته

دوري الحين

البيتي فور

لذيذ وسهل من صنع يدي

المقادير :

6 كؤوس طحين أبيض - كأس ونصف سكر ناعم - زبدة حجمها 454 جم - ملعقة واحدة بيكنغ بودر - بيضتان
لعمل أشكال البيتي فور :

نحتاج إلى أداة تشكيل البيتي فور

الطريقة :

نضع السكر على الزبدة الطرية ونخفقهما جيداً بالخلاط الكهربائي حتى يميل لونهما إلى البياض

نضع البيضتين ونكمل عملية الخفق

وأخيراً نضع الطحين والبيكنغ بودر

نأخذ جزء معين ونضع عليه بودرة الكاكاو

نضع بعض قطرات من الفيمتو (حركات) لنحصل ع اللون الزهري ممكن تغيروا لون الكعك أيضا بنفس الطريقة

بعد ذلك نتركها لتبرد

ثم نضعها في الفرن على درجة حرارة متوسطة،بعد ذلك نتركها لتبرد

وأخيراً نقدمها في صحن التقديم , ويمكن رشها بالسكر الناعم - حسب الرغبة

**غضون الامل** · 19-04-2011, 08:28 PM

طريقة سهلة
خلاص نقول معزومين على صحن بسكوت اليوم ؟؟؟؟؟
لان شكله مشهي

تسلم ايدك الغالية

**الجووري** · 20-04-2011, 05:17 PM

امممم يمي يمي ذكرتيني بأيام العيد ^^

تسلم ايدج اختي امة ,,,

الموضوع: ,,كــل الــحلا ياخــذ ويعطــي مـن حلاتـــه,,

أدوات الموضوع

بحث في الموضوع

,,كــل الــحلا ياخــذ ويعطــي مـن حلاتـــه,,

المطلقــــه

معلومات الموضوع

الأعضاء الذين يشاهدون هذا الموضوع

المفضلات

المفضلات

ضوابط المشاركة