كل عام وقلبك الجاحد بخير‏

[قصيد]

كل عام وقلبك الجاحد بخير
وكل عام وفالنا طول الهجر
لو يمر العام دونك وش يصير
منته أول ياحبيبي من غدر
في زمنا اللي على طبعك كثير
الخيانه جرمها زاد وكثر
يابصير ٍ ما يعدونك بصير
تمشي أعمى حتى لو تملك بصر
كيف ترسل لي أحبك ياخطير ..!
وقبلي مرسلها على خمسة عشر .؟
عايش ٍ وقتك بدون أيّه ضمير
متعب ركابك ورى طعن الظهر
جاك مرسولي على هيئة نذير
تهنئه مدفونة ٍ وسط الشعر
مع ورود ٍ تفتقد روح العبير
ماقدر وردي يفوح لك بعطر
حتى لو خاطرك من بعدي كسير
يستحق الكسر أول من كسر
الوفا غرس النخل والحب بير
والصراحه تعتبر طلع الثمر
والكذب لو يختفي حبله قصير
. والهوى الغدار ماحوله عذر
أختصرها لك وأجيب من الأخير .؟
قلبي من يمك ترى أصبح حجر
كل عام انا بدونك بالف خير
أبعدي قربك ترى ضيقة صدر

--
منقول

[فتى الجادي]

شكرا على الطرح
مشرفتنا قصيد
صح لسلنج

[قصيد]

صح بدنك اخوي فتى الجادي ومشكور ع مرورك الطيب

[الراهي7]

شكرا ابيات جميله واكثرها عتب

[قصيد]

تسلم اخوي الراهي على مداخلتك الطيبة