يامنتهى الذوق

[قصيد]

يامنتهى الذوق كلــــمني وخبرني
عن صحـــتك ياأعز الناس وأغـــلاها

وعن زايد الشــــوق طمني وبشرني
وعن المحــبة بقلــبك كيف دنيـاها

حي الله اللي ملك روحــــي وسيرني
على دروب الغـــلا والنفــس يدراها


لاناموا الناس طيفك جـاء يسهـرني
ونفــسي على درب وصلك طـاب مسراها


تدري لوتغــــيب بغـيابك تدمرني
وتذبل مشاعــر بنبع الحب منشــاها


وتدري لو تروح عن عيني وتهجـرني
تذنب بنفــس ٍ تعــبت أجمّّــع أشلاها


وتدري على مركب أحـــلامي مسفرني
أعبر بحـــورك ولاادري وين مرسـاها


وتدري وش اللي على غيابك مصبرني
محبــتك لي بكف العهـــد ترعــاها


الله على حـــبك الســـامي يقدرني
وارضي عيونك من أقصاها إلى اقصاها


الوقـت غـــــدار والايام تقهرني
حتى العـــيون الغـوالي رخصت ماها


وقتي قبل شوفتك قـــاسي ومنكرني
أبني صــروح الأمــل ويهــد مبناها


ماابيك ياغايتي بالحـــب تشكرني
أبيك ترعى مشاعــــر صـــرت وياها


وابيك في حضنـك الدافــي تدثرني
وتسمــع تناهيد نفسٍٍ ضاق مجـــراها

واذا غرقـــت بغـــرامك لاتدورني
أبحث عن الروح في روحـــك وتلقاها

وابيك تجمـــع شـتاتي ثم تنثرني
على رحــــابة غلاك وطـــيب سكناها


ضمد جــروحي وبالأشــواق عمــرني
على يدينــك شفـا روحـــي وسلواها


لاتترك الجــرح لين النزف يغمرني
ترى الجـروح ان تمادت يصعب ادواها

وأبيك لو طالــت الأيام تذكــرني
حــلات الأيام يوم تعـــيش ذكــراها

مشاعــري لك يانور العين تجبرني
أكتب بيوت القصـــايد لجل تقـراها

منقول

[فتى الجادي]

شكرا على الكلمات الرائعة
الله يعطيج العافية
مشرفتنا قصيد

[قصيد]

العفو اخوي فتى الجادي ومشكور ع مرورك الكريم