حضـــور وسجلونـــي غيـــاب

[مجنون اليونايتد]

حضور وسجلوني غياب وأنا بين البقية حضور
ولا كنت الوحيد اللي جالس في آخر القاعـه


ولكن من سبب الأيام وعقلي بالهموم يــدور
ينادوني وأنا ساهي وغيري يرفع ذراعــــه

ترى موت الأمل يعني جنازة تحتضنها قبــور
بكاء وحشــة الديرة ونار الهم ولاعـــــه

يعين الله من فارق غرامــه والهوى مجبـــور
وصعبة لحظــة الفرقى وعين الخل دماعـــه

تمنيت الزمن يرجع قبل قصة غرامي شهـــور
تمنيت الوقت يدير ويحرك عقرب الساعــــه

زماني غمد سيوفــك تراني و مقهـــــــور
وكثر الطعن في الميت حرام وللولي طاعــه

أنا راحل عن الدنيا وأقلك يا زمن مشكـور
أنا راحل ولا تسأل كفاني الهم و أوجاعــه

أماني ماتت بأيدي وأعزي خاطري المكســور
تعبت أشده على خطي وألاقي السعد وأتباعـه

مسافر والصبر زادي مدام اللي صبر مأجـور
وإذا الأقدار تامرني أقول السمع والطاعـه

ولا تستغرب مسجل غياب وفي الحقيقة حضــور
توقع وش يجي مني ونار الهـم ولاعـــــــه

[تآآمْـيے]

رآآآآئع مآآ طرحت

يسلموو

[علي محمد]

يسلم كاتب القصيده....

سلمت على الطرح..

[moony]

يسلمووو ع الطررررح..

[مجنون اليونايتد]

شكرا ع مروركم الطيب

[قصيد]

حضور وسجلوني غياب وأنا بين البقية حضور
ولا كنت الوحيد اللي جالس في آخر القاعـه

كلمات أكثر من رائعة

يسلمووو اخوي

نتريا يديدك

[مجنون اليونايتد]

شكرا ع المرور الطيب قصيد