وش قيمـة الغالــي اذا ماتــغــــلا

**na3m al3ood** · 11-10-2010, 11:34 AM

صد وتغلى واحرق اعصاب مغليك

وش قيمـة الغالــي اذا ماتــغــــلا

ابعد وطنشني واذا قلت وش فيـــك

قول الهوى لعبه وحـنا انتســــلا

ابيك بارد دم تقهر محـــــاكيك

وانا ابتظاهر بالصبـــر واتحـلا

وان جيت يمك مد عني خــطاويك

من شيمة المقفي خطاويــه عجــلا

لا تلتفت لـــي لو اصوت واناديك

وان طاحت الدمعه ترا العين خجلا

واذا التقينا صدفه وقمت اراعيك

راع بطرف عينك وصد وتعـــلا

وان قلت لك تكفى ذبحني تجافيك

والقلب ياقلـــبي مــن الصــد ملا

قل بدري وطبطب عليه بياديـــك

وتل الخفـــوق بسهم الاعيان تــلا

نذرن علي لابيع هالكون واشريك

يااحلا من السكر يابو عيون نجـلا

وابوس رأسك ثم اقبل خطاويـــك

واستسمحـك لو جاتنــــي مــنك زلا

ولك العهد لو تحرق اعصاب مغليك

يزود ماينقـــص غلا من تغـــلا

**حزين بغربتى** · 11-10-2010, 02:45 PM

**يوسف الكمالي** · 14-10-2010, 01:32 PM

بدت القصيدة أكثر من رائعة في أول ثلاثة أو أربعة أبيات
وبعدها تكررت المعاني وتوقفت الصور واختنقت الأبيات بالقوافي ..

أحلى شيء هنا:

ابعد وطنشني واذا قلت وش فيـــك

قول الهوى لعبه وحـنا انتســــلا

ابيك بارد دم تقهر محـــــاكيك

وانا ابتظاهر بالصبـــر واتحـلا

شكله فاظي هذا الشاعر
وبارد دم
وميسر الظروف
لكنه جميل الحروف
(=

شكرًا على النقل ،

**الحزين دوم** · 14-10-2010, 02:11 PM

يسلم لسان الشاعر
واتمنى لة التقدم وانجاح في كتابة شعرة

**Miss.java** · 14-10-2010, 04:01 PM

الغالي غالي حتى لو ما تغلَّــــــــــــــــــى ،،

واللي يسوي هالحركات ويصد .. نعم أصكه كف وأدوس ف بطنه !!!
صج انه بارد دم !!!!

بس فعلاً أول أربع أبيات روعه ..

تقبلي مروري عزيزتي ،،