الدرس الثاني (Photoshop): إنشاء و فتح ملف في برنامج Photoshop

[فتى كمزار]

شكرا لج مشرفتا
بعد ماخلصت من تطبيق
هالدرس صار الملف نسختين
هل تطبيقي صح

[ăşᾦǞᴙ]

امممممممممممممم حلــــــــًو

دروووووس مهمــًه بس أنا من أسوي مايضبط معي شي أبــًدا

بس بنحاااااااااااااااول وش وراناـآ

تسلمين خيتو ..

[Miss.java]

شكرا لج مشرفتا
بعد ماخلصت من تطبيق
هالدرس صار الملف نسختين
هل تطبيقي صح

أي ملف اللي صار نسختين ؟
إذا ما عليكـ أمر فتى كمزار وضح سؤالكـ أكثر ..

النتيجه بعد هالدرس هو ملف pray.psd ، منقول (منسوخ) فيه خلفية.jpg ..
بهالشكل :


الشكل1

امممم

طبعــاً ، جزاك الله خير فتى كمزار ، انت نبهتني لنقطة مهمة ..
واللي هي حفظ الملف ..

بعد ما نخلص الشغل اللي قمنا فيه الملف المطلوب تصميمه ، لازم نحفظ التغييرات :

1. إذا الملف المراد تصميمه لم يكتمل بعد ، يعني بالعامي إذا بغينا نضيف ونغير بعدنا (مثل حالتنا الحين) ، سنقوم بحفظ الملف على صيغة الفوتوشوب.

2. إذا الملف المراد تصميمه تم الانتهاء منه ، يعني بالعامي خلصنا تصميم وما نبى نعددل شي ، سنقوم بحفظ الملف على الصيغة المطلوبه ، وغالباً ما تكون jpg يعني حفظ الملف كصورة ، وهناك الكثير من الصيغ راح أشرحها لكم بالصور الحين ..

يلـــــلا

طبعاً للحين ما خلصنا تصميم ، بس نضطر إنا نغلق الملف عشان نقدر نكمل شغل بأي وقت ثاني ، يعني مثل حالتنا خلصنا نسوي نسخ فهالدرس وراح نغلق الملف لين ينزل الدرس اللي بعده ،، صحيح ؟! ..

أوك

كالعاده في عدة طرق للحفظ ..

من قائمة File ، واللي واضحه باللون الأخضر حسب الشكل 2 ..


الشكل2

عندنا أهم خيارات حفظ هم اللي عليهم الدائره الحمراء رقم 2 و3 و4 ..

طبعاً رقم 4 (Save for Web & Devices) احنا نستخدمها لتصميم المواقع ، بس خلكم بعيد عنها حالياً لين تصيرو برفيشنال هع ~
(للي عندهم فضوووول وحب لطلب العلم يتواصلوووو معي )

رقم 3 و 2 تقريباً نفس الشي ..
لكن غالبا ما نستخدم رقم 2 (Save) لما يكون ملفنا بصيغة الفوتوشوب واللي هي psd ، و يكون هالملف موجود واحنا نشتغل عليه كذا مره (أتمنى تكونو فهمتو المقصد!)

رقم 3 (Save As ) نستخدم هالخيار عشان نختار الصيغة اللي نبي نحفظ فيها ملفنا (بوضح لكم نافذة الحفظ بعد شوي)

لكن
في حالة ضغطو على × مباشرة واللي وضحتها برقم 1 في الشكل2 ، راح تظهر لكم النافذة المُشار إليها في الشكل ، وفيها خيارات 3 :
Yes
No
Cancel

طبعاً يختلف إذا كنت تصمم وتفتح هالملف أول مره عن ما إذا كان ملف قمت بفتحه للمرة الثانية أو الثالثة أو ... الخ
* في حالة الملف جديد وتوك انت أنشاءته (يعني نفس حالتنا وشغلنا):
إذا اخترت Yes راح تظهر لك النافذة الموضحة في الشكل3
إذا اخترت No راح تنغلق النافذة والملف وما انحفظ شي من الملف !!
إذا اخترت Cancel راح يغلق النافذة اللي ظهرت بعدما ضغطت على × ويظل الملف مفتوح

..
..

** في حالة الملف تم إنشاؤه من قبل وانت الحين داخل عسب تحط إضافات وتعديلات:
إذا اخترت Yes راح تنحفظ التعديلات والإضافات اللي دخلتها على ملف psd
إذا اخترت No راح تنغلق النافذة والملف وما انحفظ شي من التعديلات والإضافات اللي أضفتها على الملف !!
إذا اخترت Cancel راح يغلق النافذة اللي ظهرت بعدما ضغطت على × ويظل الملف مفتوح


الشكل3



الشكل4


ولكن في حالة اخترنا مباشرة من Save AS ، بيظهر لنا الشكل5 :


الشكل5


كل صيغة تفرق عن الثانية من خلال : الجودة ، الحجم ، الاستخدامات ..
وكل صيغة لها خصائص تختلف عن الأخرى .. يعني مثلاً :
إذا اخترنا صيغة jpg وضغطنا حفظ راح تظهر لنا النافذة اللي فالشكل6
إذا اخترنا صيغة psd وضغطنا حفظ راح تظهر النافذة اللي فالشكل7
إذا اخترنا صيغة pdf وضغطنا حفظ راح تظهر النافذة اللي في الشكل 8



الشكل 6



الشكل7



الشكل8


وانتهـــى الحفظ بس ما انتهى الإبدآع ..

أي استفسار يخص الصيَّغ (Format) أنا على استعداد ..
أي سؤال أنا على استعداد ، وما يقصروا عيال التصميم عندنا ..

أتمنى من أصحاب CS2 يطمنونا عليهم وكيف الأمور ، أقصد خيتي قصيــد وفتــى كمزار ~

ملاحظه :
أعتذر على الخليط الحاصل ، مره عربي فصيح ومره لهجه عاميَّهـ ،، بس عشان أوضح الشرح بأبسط طريقة لكمـ .. وإذا في أي ملاحظه على الشرح أو اقتراح أنا على استعداد للإستماع والمناقشة والتطبيق ..

أسأل الله لي ولكم الفائده ~
:



:

[قصيد]

أحسه صعب وااااااااااااااااااااااايد

يبالي دورة في الفوتوشوب

[Miss.java]

أحسه صعب وااااااااااااااااااااااايد

يبالي دورة في الفوتوشوب

:montaser_179: :montaser_179: :montaser_179:

أفــــــــــــــآ

مب صعب خيتي~
تعرفي محد علمني البرنامج !!
تعلمت بروحي !!
حتى في دراستي الدكاتره ما يشرحو شي !!

خبريني وين الصعوبهـ وكلنا بنساعدج بإذن الله ..
اممم
يمكن شرحي معقد !!
شو رايكم ؟!

[قصيد]

الحمد لله ماكان عندنا هالدروس في الجامعة كنت صدق اتورطت

لا تحاتين حبيبتي انا يالسة امشي عالخطوات وشكلي بفهم شوي شوي

مشكورة فديتج

[Miss.java]

الشكــر للهـ ~

نحن في خدمتكمـ ~

هع

إذا في أي استفسار ، صعوبهـ ، خبريني ع طووول حتى لو ع الخـآص ~

وفقنــــآ اللهـ وإياكمـ

[سليمان مالك]

ما شاء الله على مشرفتنا المبدعه Miss.java باركك الله والى الأمام دائمآ


متابعين دروسك أختي الكريمة ونرى إبداعاتك وتجاوبك مع طلابك ومتابعتك لهم أول بأول



تحياتي لك

والى الأماااااااااام دائمآ وأبدآ

[حفيد المعرفة]

[align=center]دروسك رائعة وجهودك تشكرين عليها،،

لكن لدي ملاحظة بعد إذنك،،

ربما لأنك تطرقت إلى تفاصيل لا تهم المبتدئ ابدا،،

مثل المقاسات بالأنش والبكسل مثل هذه لا تهم الشخص المتعلم حديثا،،

الأفضل ان يكون الدرس في الأمور الرئيسية مع الامثلة التطبيقية،،

اما طريقة الشرح فهي بسيطة وواضحة وكل المطلوب للمتعلمين بعض الصبر،،
[/align]

[Miss.java]

[align=center]دروسك رائعة وجهودك تشكرين عليها،،

لكن لدي ملاحظة بعد إذنك،،

ربما لأنك تطرقت إلى تفاصيل لا تهم المبتدئ ابدا،،

مثل المقاسات بالأنش والبكسل مثل هذه لا تهم الشخص المتعلم حديثا،،

الأفضل ان يكون الدرس في الأمور الرئيسية مع الامثلة التطبيقية،،

اما طريقة الشرح فهي بسيطة وواضحة وكل المطلوب للمتعلمين بعض الصبر،،
[/align]

لقد استنارت صفحتنا بوجودكم ..

وملاحظتك في محلها ، وسآخذ بها في الدروس القادمة بإذن الله ..

ونتمنى منكم المشاركة معنا لأننا ننتظر منكم ماهو مميز ومبدع ..

بارك الله فيكم ..