قصيدة صبرت للشآآآعر طآآرق المحيآآس

[متكحلة بدم خاينها]

مرحبا الساع بالكل
إشحالكم؟؟ و شو أخباركم ؟؟ إن شاء الله بخير

اليوم حبيت أحط لكم قصيده جديده من قصايد الشاعر طارق المحياس
القصيده بعنوان صبرت و هي الجزء الثاني لقصيده كفايه
بصراحه قصيده ولا أورع
كلمه إبداع شويه في حقها

صبــرت وقلت أكيد الوقت يرده..مصيره يحس باللي ضاع بعـده
أكيــد اليوم أو بكره بيجينـــي.. ومــــر اليوم وبعده واللي بعـــده
ولا جــــاني وأنا اللي ما نسيته.. تناسى صاحبي عهده ووعــــده
بعد حبه تناساني و نسانـــــي.. وتمادى حيل في بعده وصـــــده
ش أشوي ما قدرت فيوم أنسى..حنــــانه والمحبـــــه والمــــوده
هــــــذاك اللي إذا مني ذكرته..تهل أمطار عيني ع المخـــــــده
و إذا تراوا لي طيفه يوم يضحك.. نسيت إني أنا عايش بشـــده
جمال فيه لا ماهو طبيعي.. مثل قطر الندى من فــــــوق ورده
جفاني من بعد ما هو هواني.. وغير خط سيره صار ضــــــده
سقى الله يوم أقول أبغي أشوفك..يقول إقرب وأجي له لين حده
أجـــي له وقت ما ودي أجـــــي له.. ولا بيني وبينه أي مــــده
و يسولف لي وأنا أطالع عيونه.. و أتبســـــم و أنا ما فيني شــده
أخاف عيوني تنطق من حلاته.. ويوقف قلبي كلما صد صـده
أحبه حب والله غصب عني..وهو أسباب حزن القلب و سعده
إذا حزان حزني كان منه..وإذا فرحــــان هالفرحـــه بيــــــده
أســــد البـــاب يفتح باب ثاني و كل ما أفتحه يرجع يبنــــــده
إذا شــــديت أرخى هو معايه..وإذا أرخيت يرجع هو ويشـــده
يمازحني يا حلو المزح منه.. فـــــــديت أمه و أبوه وجد جده
ويعاملني مثل أصغر إخوانه ..يــــــأكلني ويشـربني بيــــــده
وهو والله الوحيد اللي بحياتي إذا إتبسمت يعني كنت عنـــــده
كـــــذا فجأه تغير في طباعه..و كأني عله طاحت بجبـــــــذه
تثيقـــــل من بعد ما كان طيب و كل ما أطلبه شي يـــــــرده
تغـــلى لين ما راح و تخلــــى..و قلبي بإيدنه للغير هــــــده
ياربي ليه و أش سويت يعني؟ أبا أعرف ش الذي ع البعد حده
حياتي ما لها معنى بدونه.. ولا لي خلق إي إنسان بعــــــده
أظنه ما سمع ذيك القصيده.. كتبها عاشقه و دمعه ع خـــده
كفايه صار لك شهرين غايب و إذا ناوي تحدى لا تحــــــده
لأني ماني قدك بالتحدي... ولا تحط راس شيخ براس عبده
لا تظلمني و أنا عبد بإيدنك.. وأنته الشيخ خل سيفك بغمــده
أبي لحظات بس خلني أشوفك بعدها روح ولا تطري لي رده
وكـــــل ما أخــــطر ف بالك بعدها تذكر الوفي لخله مـــرده
أبي تضحك إذا زارك خيالي و تسمع شاعرك وشلون عـــده
تفنن كيف و أبدع في كفايه ..تــــــأثر لين دمعه بل خـــــــده

[قصيد]

تسلمين الصراحة كلمات جميلة

ابدعتي اختي الغالية

نتريا اليديد منج

[حلوة وشقية]

تسلمي فديتج

[برستيج شحي]

تسلمي اختيه على هالقصيدة الرائعة

[فتى الجادي]

تسلمين على القصيده الجميله

[حلوة وشقية]

مشكووورين ع المروووور

[يوسف الكمالي]

هذا طارق عفريت
أسلوبه بسيط ولا يتكلف بالصور الشعرية
ولا يلتفت لتكرار القافية أو الكلمات ، كأنه يقول قصة رومنسية ،
بس تأثيرها قوي جدًّا؛ خاصة ان نص شبابنا ضايع في سوالف حب وغرام
يعني يدخل قلوبهم على طول ..

شكرًا يا متكحلة
أعتقد انه شاعرج المفضل !

[كلوديااا]

طارق المحياس دوم قصايدة إبداع في إبداع
سلمت اناملج أختي في الطرح

[ṧḫễḫḫị]

حـــلوة القصيدهـ