المراهقة....

[الحب خالد]

المراهقه والاسره


بســم الله الرحمن الرحيــم


المراهقة .. مثل ماندري كلنا انه المراهقة هي اخطر مرحلة
من مراحل عمر الانسان..

وبهاذي المرحلة.. مشكلة المراهق .. انه دائما يرى انه لا أحد يفهمه ..
دايما يحس انه في عالم اخر غير العالم اللي عايش فيه اسرته ..

غالبا مانرى صحيح اذا جلست مع احد المراهقين من الجنسين ..
يقولك اول مشكلة انه مايعاملوني كشاب .. او فتاة ..
اهلي للحين يعاملوني كأني طفل..
وما يفرقون بين معاملتي وبين معاملة الاطفال
مع انني الحين صرت رجل وصرت افهم .. فلازم اغيروون معاملتهم معاي ..

ومن الواقع .. اشوف اخوي اللي يبلغ من العمر 16 سنه هاذي مشكلته
يقول دايما انه امي وابوي يعاملونه كأنه طفــل .. وطبعا هالشي مسويلة أزمة =)
مرات انا اتدخل واحاول اني افهمه واقوله بالعكس لانك يمكن اخر العنقود
هم يخافون عليك ,, وبالعكس لازم تفرح بهالشي..

كلامي هذا اللي اقوله لاخوي .. يمكن انا مااكون مقتنعه فيه
بالعكس
انا ارفض مثل هذه المعاملات مع لمراهقين .. لانها تسبب وتضع عائق بين
المراهق والوالدين..
ولكــن انا اقوله لمجرد تهدئة الوضع..


الكـــل مر بمرحلة المراهقة واكيد صادفنا اشياء في هاذي المرحلة
او حتي سمعنا قصص
قصص كثيرة كنت اسمعها بالمدرسة .. من البنات كنت استغرب عليها
كنت اعتبر نفسي لازلت طفلة ماعرف وش هالمواضيع اللي يتكلمون عنها
ولكن لما كبرت .. قلت الحمدلله اني كنت طفله وماعرف عن شنو يتكلمون..

لانه بعدها اكتشفت كل ما كبر تفكير المراهق ..
وحس انه معتمد على نفسه تماما.. كل مابعد عن نطاق الاسره
وانجر الى نطاق الصحبه .. ومادري ليش انس اشوف
انه الصحبه في فترة المراهقة تكون غالبا صحبة غير كويسه ..

لذلك نسمع المشاكل والقصص التي تحدث للمراهقين والمراهقات
من جراء انسياقهم للاصدقاء..

خاصة اذا كانت الاسرة غافله .. عن المراهق ولا تهتم لامره ولا لمرحلته الحرجه..
ونشوف مشاكل المراهقين ااذا سألناهم يقولون الاهــل ما يفهمونا ويعاملونا مثل الاطفــال

[قصيد]

المراهقة فترة صعبة

تسلم اخوي ع الموضوع الجميل