يالله يا طيارة

**الراهي7** · 23-11-2012, 01:39 AM

يالله يا طيارة سرعي على طول السما
وجيبي حبيبي مثلما هو جابلي ناره
طول علي واشقت له كم يوم وليله اعد له
ومن توصلي بس قولي له سلامة اسفاره
سرعي على طول السماء يالله يا طيارة

ساعة تمر كأنها عمر واقول كم باقي
على الوقت ماعندي صبر من حرة اشواقي
جيت المطار استقبله والوردكله شلته له
ودقات قلبي بالوله والفرحه محتاره
سرعي على طول السما يالله يا طيارة

ودي احضنه لما يجي وابوس كفوفه
ولهان مو مصدق يجي اموت واشوفه
كم واحد انا اسأله هالرحلة ليه مطوله
ربي بسلام يوصله وينور دياره
قطعي السما مستعجله يالله يا طيارة

**قصيد** · 23-11-2012, 11:46 AM

يسلموووووو اخوي الراهي على القصيدة الحلوة

**علي محمد** · 26-11-2012, 01:17 AM

نثر جميل ,,

تقبل مروري اخي الفاضل,,

ع.م.س

**الراهي7** · 04-12-2012, 01:40 AM

شكرا مشرفتنا قصيد
شكرا أخوي علي محمد
عالمرور

**دمعة احساس** · 08-12-2012, 08:07 PM

كلمات رائعه االراهي لا يشعر بها الا من فقد غالي وينتظر رجوعه ...

**بنت بخاء** · 24-12-2012, 01:59 PM

يسلمو اخوي الراهي

**عبدالرحمن الشحي** · 09-02-2013, 08:04 PM

رتشفت منا العيون اجمل الاحساسيس سلمَ فيك هذا النبض
ودمت بالحب غارق
لـ تنهل علينا جميل بوحك
تقبل حضوري في صرحك الجمال مع خالص الاحترام
زهور الياسمين لشخصك