لول معي زايد غلاكم

[الراهي7]

بسم الله الرحمن الرحيم

هذي القصة عن الشاب ماجد النعيمي الشاعر اللي كتب اغنية لول معي زايد غلاكم للفنان ميحد حمد .. القصة صارت على النحو التالي

مايد كان ساكن مع شباب في شقة في امريكا على ايام الدراسة الخارجية للولايات الامريكية وكان اهم شي عنده ان الشباب يكونون راضين ابمايد .. لكن الربع الله يهديهم ما كانوا على صفات المخوة وماذاقوا طعم المخوة .. كان كل ما ييلس مايد .. حطو عليه يالين ما يستضيق وهم يضاحكون .. كيف كان رد مايد ؟؟؟

هو ان ما كان يشل شي في خاطره

ويوم من الايام ... طلعو الشباب السينما وما قالوله .. نزل مايد الصالة ومالقى حد .. فقعد روحه ويلس يكتب القصيدة اللي اتقووول




لوّل معي زايد غلاكم *****افدي بروحي واشتريكم
احرب واشني من شناكم***** ما ارتضي بالشين فيكم
وانتوا تجافون اصدقاكم***** من دون زلاتٍ تجيكم
كدرتوا الخاطر تراكم***** وعرفت قاصي اوليكم
واليوم مالي فمعناكم***** حشى وكلا ما عنيكم
امشوا وسيروا في هواكم***** وانا عليه مبدليكم
مع الربع في ملتقاكم***** من حين جافيتوا خويكم
لو كان باغ الشيد عواكم***** ان جان بشاور وليكم
لكن هذي من جداكم***** لمسامحه مني إليكم
واقول الاني في ذراكم***** عسى الله يهديني ويهديكم
والقلب حالاً عاف ماكم***** يوم املحت شربت طويكم

وبعد ماكتبها علقها وطلع روحه يتمشى

اللي صار يا اخوان : ان الشباب رجعو وشافو القصيدة واتقطعت اقلووبهم ... لكن بعد شو؟؟؟

بعد فات الاوان واتوفى شاعرنا بحادث وهو في اول شبابه بعمر يناهز ال 22

الله يرحمه واسمحوولي اذا كان زاد شي لان اللي انكتب هو ما سمعته

والله يرحم كل مسلم

[دمعة احساس]

رائعه من روائع القصيد الراهي تسلم عليها

[قصيد]

كلمات رائعة

يسلمووووو اخوي الراهي على الطرح الراقي

[بسام الكمزاري]

قصيدة متميزة لأنسان مميز تحمل الاخوة والربع رغم جفاهم له
وزادت ابداعا بعد ما جسدها الفنان ميحد بأغنية

شكرا الراهي7 على الموضوع وما ننحرم من جديدك