يازينك لا زعلت وقلت وينك‏

[قصيد]

يا زينك.. لا زعلت وقلت : وينك..
مــن أيــام وليـالـي فاقديـنـك ..؟

تنادينـي بصـوت الشـوق .. حـتّـى ..

أجيـك بشـوق وأردد : يـا زينـك ..!

حبـيـبـي لا تنـاديـنـي تـرانــي ..
أحـس بحاجتـك لا شفـت عيـنـك ..!

حبـيـبـي لا تنـاديـنـي تـرانــي ..
أحسّك نبض .. قبـل تقـول.. وينك..؟

حبيبـي والمشـاعـر لــك سبـايـا ..
تحكّـم .. مـن يسـارك لا يميـنـك ..!

يا كثـر النـاس .. فـي مجمـل حياتـي ..
ويا قلّ النـاس .. مـن بينـي وبينـك ..!

يا كـم مـدوا لـي الأيـدي .. يبونـي ..
ولا أغرانـي سـوى مـدّت يديـنـك ..!


أحبك .. وأبتعـد .. وأرجـع وأحبّـك ..
أبـي لـي حـلّ يـرحـم والديـنـك ..؟

دخلتـك روضـة إحسـاس وأمـانـي ..
أحـبّ الـورد .. وأعشـق ياسمينـك ..!

غرورك .. مع ثقـة نفسـك .. بنفسـك ..
هدوءك .. راحتك .. ذوقك .. حنينـك ..


تبسّامـك .. وتكشيـرك .. مـلامـك ..
كلامك .. ضحكتك .. صمتك .. أنينك ..!

جمالك .. ريحـة أنفاسـك .. وعطـرك ..
عيونـك .. عنقـك .. وغمازتيـنـك ..!

تشوّقنـي .. وأنـا طــور إنتـظـاري ..
يحيـن الوقـت .. أو وقتـي يحيـنـك ..؟

أخذنـي ديـن .. ف.. رقبتـك وغامـر ..
ولا يطـري عليـك .. تسـدّ دينـك ..!


وإخذنـي عاشـقٍ لا صحـت : وينـه ..؟
تراه أقرب من رموشـك .. لـ عينـك ..!

منقول

[الظهوريه]

كلمات رائعه كلها احساس يسلمواااا علا هالكلمات اختي القصيد...

[قصيد]

الله يسلمج غاليتي ومشكورة ع المرور الكريم

[دمعة احساس]

يا كثـر النـاس .. فـي مجمـل حياتـي ..
ويا قلّ النـاس .. مـن بينـي وبينـك ..!

هذا الحب الصافي الصادق .. شكرا قصيد

[قصيد]

العفو خيتوووووو