لا توادعني ( قصيده )

**شموخ العز** · 02-09-2011, 04:56 AM

أأمانه لا توادعني يا غالي لا نويت تروووح

دخيلك خلني وأرحل كذا من دون ما أدري

دخيلك لا تعلمني كفى صدر الغرام جروح

وأنا اللي من عرفتك وأنت متربع على صدري

بنيتك بالحشا قصرا" رفيع و شامخا" بصروح

وقلت أسكن هنا ياللي عيونك سودها قصري

رخصت أغلى القصيد وكل ماينزف صدوق البوح

وجيتك والغلا طفلا" ربى بالجوف من صغري

تحملت العذاب وصرت أنا من سبتك مذبوح

صبرت وطال صبري لين مل الصبر من صبري

أبي بس أظفر بقلبك مدام الشوق لك مفضوح

ومدامك بالعروق اللي تحبك دايما" تجري

أبي عطر الهوى منك ياغالي كل يوم يفوح

وبعلنها على الدنيا أحبك يا بعد عمري

ياغالي أنت ماغيرك حبيبا" قد سكن بالروح

ومن فكر يجي بعدك ترى بقول له بدري

تخيل كل ما تسأل بنبرة صوتك المبحوح

ياغالي لو بسألك إش رايك بعطري

أذوب ويعترف قلبي ياعم العطر يالمملوح

بأنك تغري وعطرك مثل سحرك بعد يغري

كفايه باب خفاقي عشقك وصار لك مفتوح

وكفايه لو تغيب شوي أضيق و ينشغل فكري