رد الشاعر حشر بن الشاعر السعدي على قصيدة محمد الشحي ( الجزء الثاني )

أرسل الشاعر محمد الشحي قصيدة للشاعر حشر بن الشاعر السعدي
ورد علية الشاعر حشر بقصيدة

نص قصيدة الشاعر ( محمد الشحي )



ماحيد في قلبي هواوي
لين ابتليت وصابني الحب
بلغ حشر بالخط ناوي
ورد لي من صوبهم نب
وش حيلتي ماعدت قاوي
لهيب في الصدرين يلعب
ما ظل في عزمي هقاوي
ولا فادني به دارس الطب
ماغير خلي لي مداوي
عني غدوبه ناسه الغرب
ودي بدوى قلب الهواوي
ولا مطوع يرقي الحب
بلغ حشر دنيا البلاوي
الحب مثله شب بي شب

بلغ سلامي لشاعر حشر

مع تحياتي محمد الشحي

.................................................. ....

نص قصيدة الشاعر حشر بن الشاعر السعدي على الشاعر محمد الشحي


رد على قصيدة الشحي

حي ابجوابن فيه حاوي
شكوى ومني ينطلب نب
قال وشرح بالقول راوي
اقراه وفوادي تلهّب
عاد الهوى فيه المراوي
والطفل من بلواه شيّب
ريف ونهاياته مساوي
يعطي لكن بالحيل ينهب
ذيبه فرجم الجوش عاوي
وليته ثوى من قبل يقنب
ماكان صيّحنا العزاوي
ولا نشكتي من بلوت الحب
ياخوك قاموسه بلاوي
قاموس فيه السعد يشطب
مافيه بالقسمه تساوي
حد مريح وحد يعطب
ياكم به لي خر ثاوي
قرم على الشطات يوثب
لكن من مثلك يقاوي
راعي عزوم وراي يغلب
ود العذارى به رجاوي
مايبغي للي دوم ينحب
كانه يباك وليك هاوي
بيلين لو بيشط ويعب
وان كان في فرقاك ناوي
ازبن على روحك من الحب
مانته وراهم كالشواوي
انته شراة الذيب وقنب

حشر بن الشاعر السعدي
رد على محمد الشحي والسموحه منه والعذر على لقصور

تسلم اخوي خالد على الكلمات الجميلة

قصيدة رائعة والرد عليها رائع..راقت لي،،
شكرا على النقل،،،

ثانكس ( روعة احساس ) و ( قصيد ) على المرور ^_^