هواش بين زوجة الغني والفقير رووووعه

السلام عليكم ورحمة الله وبركاته
حياكم الله
بترككم مع زوجة الفقير والتاجر

ولاحض الفرق بين الغني والفقير

امس الخميس من صباح الله خــير ........زوجة رجل تاجر مع زوجة فقير
تهاوشن وصــــار شي ما يصــــيـر.......يا الله دخيلك من مشاكل ذا الحريم

سمعت لجتهم وانا وسـط الفــــراش.......ورحنا على الهوشات نتفرج بلاش
وانكان شفت راح يجـمعن الــهواش.......اي والله ابعد وش تبي فيه سين جيم

طلعت لن هذي الخــــــلايق واقفــين .......سألتهم يا ذا العرب وش شايفين
قالوا حريمن وبالعصي متـــحاذفــين........قلت اهلك النسوان يالله يا كريم

ناظرت في ذيك الوجيه الـــكالحـــــه........إلا عبيهم والبراقع طـــايــــحــــــه
كن المهاوش صار قبل البارحــــــــه........كلن عرف ما صار ما فيهم غشيم

جت زوجة التاجر وقالت يا فـــــــلان........هذي مره ما شغلها الا لـــيل دان
صوت المسجل عندها طول الزمـــان........وهي تغني صوتـــهــا يطلع سديم

وحنا ولا يوجد مسجل عــــــــــــــندنا ........ ماهو بــعـــيـــــب لا والله ودنــا
لا كن مع الأموال نبذل جـــهــــــــدنا.........نحسب تجارتنا على الشكل القديم

لا شك لا جاء الليل حطت لي حجـاب.........وإلا خلف وإلا سميره او عتاب
نسمع مسجلهم ونغلط في الحســــاب........وحنا قرايتنا على الشكل القـــديم

من عقبها جت زوجت الشخص الفقير........قالت تفضل ودخل البيت الصـغير
فنجال شاهي ون تبي واحد عصيــــــر........ترى الكلام يطول وفهم يا فهــيـم

يومٍ دخلت البيت انا شفت العــجـــــــب.........شفت الحياه اللي لها قلبي رغب
حــلــتــلــنا وباشــــــرتــنا فـــــــي ادب.........يا ليتني في بيتهم دايم مـــقـــيــم

قالت ترانا عايشين احـــلـــى حــــــيات.........وش عاد لو نسمع جميع الأغنيات
نطرب وتالي العمر عز الله ممــــــــات........ما همنا اعصيناه ذا الجار اللئيم

فكرت اروح لمنزل الشخص الغـــنـــي ........واجهت عند الباب شايب منحني
مسك بثوبي يا الله انه هـــــدنـــــــــــي .........يقول رايح وين يا ابليس الرجيم

قلت انت شايب قال يــــعلك تـــشــيــب.........قلت انت طيب قال يعلك ما تطيب
قلت اسقني ماء وقال مطلوبك صعيب.........عساه ما يفرح بجنات النـــعـــيم

قلت انت يا ذا العود اضنك ما تـشـوف ........ قال انعمي لا شفت قدامي ضيوف
فقلت انا امـــلـــك ملايــــيــن والــوف..........جيت اشتري منكم بضايع يا حنوف

قال انت ما ودي تـــطول عــــنــــدنــــا...........قلت العفو ربع ساعــــه حــــدنـــا
ابـــشــــرك مانــــي بــقــايـــل غــــدنا..........انا سعودي ومسكني وسط الجنوب

اقبل على مـــجــلــــس جـداره لــيـــنه.........يسأل عن المفتاح يا من عــــيـــنه
قالوا له المجـــلـــس مــسكـر من سنه.........العام يوم زارنا ضـــيـــــف كــريم

البيت من داخل مثل حـــوش الغـــنــم..........وراعي البيت الغني مثل الصنم
دشداشته مشــقـــقــه وحــافــي قـــدم..........عساه دايم منهمك في دنيا عديم