يمــه... بعـلمـــك وأبي جـــواب الحـقـيقـــة...؟!
عساني ما أزعجتك يا يمه
أحس في صدري عذاب وحريقـة...
يضمني حزني وأنا حيل أضمه
كنه ضناي وشوفته شوف ضيـقه..،
يمه وأنا بنتك وإذا قلت يمه
شوفي لحزني والمواجع طريقــه..،
ضميني لصدرك ثمانين ضمة
ضمة عشيق مايفارق عشيقـه..،
وكانك سألتي خاطري ويش همه
بعلمك وأبي جواب الحقيقة..،
ليه الزمن اليوم مافيه ذمة ؟!!
وليه الطعون اللي بظهري عميقة ..!!
وليه الولد يبوق في بنت عمه ؟!!
وليه الرفيق يخون عشرة رفيقه ..!!
وليه أنخدع في ناس كانت مهمة ؟!!
ويوم أكتشفها وهم ماله حقيقة ..!!
وليه الذي وقت الرخا كان قمة؟!!
و وقت الشدايد مالقينا طريقة ..
وليه الحسد يمي من عيون عمه ؟!
وليه الخطا لو قلت كلمة رقيقة..
أزيد يمه ولا كافي مغمة ؟!!
أشوف عينك من هماها غريقة..
يمه دخيلك آسفة آآهـ .. يـمـه
كني جرحتك وأنتي أغلى صديقة
منقول
رد: يمــه... بعـلمـــك وأبي جـــواب الحـقـيقـــة...؟!
يمه
عساني ما أفقدج يوم و لا أنحرم منج يوم يا بعد هلي كلههم
تسلمين يا مشرفتنا
رد: يمــه... بعـلمـــك وأبي جـــواب الحـقـيقـــة...؟!
الله يسلمج خيتي
ثانكس على المرور الحلو
