لاجيت اجي كلي .. وكلي عسانـي فـداك‏

يامن دهتنـي عيونـك واحتوتنـي يديـك
الله يسامحْك كيـف تقـول مـاذا دهـاك

ماتدري انـي متيّـم بـك وكلـي لديـك
مملوك مأسـور مسبـي مستهـام بهـواك

أموت كلي معك .. واموت فيـك وعليـك
واغليك لكـن عسـى الله مايبيّـن غـلاك

واحنّ اليك .. وعليك احـنّ مـن والديـك
ومن لهفتـي عيـن قدّامـك وعيـنٍ وراك

أشتاق لك واشتكي لك منك واشكيك اليـك
كلك ملكني .. وكلك فـي عيونـي مـلاك

جادلك جيدك جبينـك خنجـرك حاجبيـك
اسمك سماتك سمّـوك سِسْتِمِـك مستـواك

جوريْك جمرك لجينك عسجـدك وجنتيـك
ذرابتِك رقّتِك روعـة حضـورك بهـاك

وجهك وهج مبسمِـك بسمَتْـك غمّازتيـك
براءتك .. خالك اللي لاذ بايسـر شفـاك

سِجِنّجِلِـك جلنـارك نرجسِـك كركديـك
كاديك مسكك نسيمك شمس صبحك مساك

سلهام عينك .. نَعَس طرفك .. حَور مقلتيك
بوهَتْك ملحك حلاتك خـف دمـك حيـاك

ما اعرف اداري ولا اهدّي ولا امسك بريك
لاجيت اجي كلي .. وكلي عسانـي فـداك

أقدّم الروح كاش .. وباقـي العمـر شيـك
باسمك مصدّق ولا يصرف لحـيٍ سـواك

يامن دهتنـي عيونـك واحتوتنـي يديـك
الله يسامِحْـك كانـك قلـت مـاذا دهـاك

منقول

تسلمي اختي قصيد عالنقل الطيب للابيات الفنتك

القصيدة حلوة بشكل عام وفناانة الابيات العفوية الشفافة ^_^
اخترت اش اقتبس منها
ما اعرف اداري ولا اهدّي ولا امسك بريك
لاجيت اجي كلي .. وكلي عسانـي فـداك

أقدّم الروح كاش .. وباقـي العمـر شيـك
باسمك مصدّق ولا يصرف لحـيٍ سـواك

منووووورة القسم اختي

منور بوجودك اخوي دمع

تسلم على مداخلتك الطيبة

ماتدري انـي متيّـم بـك وكلـي لديـك
مملوك مأسـور مسبـي مستهـام بهـواك


أبداع

يسلموووو خيتي ومشكورة ع مرورج الحلو

منورة