اذا زعلتي
اذا زعلتي فطيم ياشقى نفس تغليك
ليتك عن اللي يعصر الكبد تدرين
واذا رضيتي يرضى الله براضيك
احس ان كل الناس برضاك راضيين
محد بقلبي في غلاتك يساويك
يامن على كل المخاليق تغليين
بس قولي انتي كيف اسوي وانا افديك
لو عين يفدنك عن العين عينين
يامن اذا بين الملا حل طاريك
تستبشر بقلبي جميع الشرايين
لو تزعلين حرات قلبي تناديك
تكفين لاتقسين تكفين تكفين
لاطاب جرحي كـان جرحي يسليك
لكني ادري بجروحي تحسين
ضاقت علي الارض ربي يخليك
قمت احبس انفاس الالم بين ضلعين
ماظني اخطي بك واذا اخطيت لبيك
امرك على نفسي و روحي تمونين
العذر طبعك والسماحه مباديك
والصفح اصلك والعفو كان تعفين
