الجرح يلي زارني في تالي الليل
جرحاً عميق غزّر القلب تغزير
والدمع من عوقه ابرق هماليل
ياعيني كفي الدمع لايجيك تهذير
والحزن يلي ف جوفي اسرد تهاليل
يوم الفرح من عقبه سجل تقارير
ياليت قلبي سالم ولابـه أتعطيل
وياليتني طيراً فــــ سمـاه يطير
وياليتني ساكن في حــفة السيل
اجلس ونومس بين برق المغادير
وشوف عطايا الله تورد مساليل
ويصك شوفي على ذيك المعابير
يانفس خافي ربك من وادي الويل
هنــاك ماتنفعك تــوبه ولاتبرير
ياصاحبي مد لي كفك مع التهليل
وخذني لعالمك كيف ماهو يصير
حلمي حلمته وانا من تـالي اللــيل
من عقب ماغزّر الجرح تغزير
