شوفواا الشباب شو يسوون ف وقت الفراغ ؟؟؟؟؟...
احمد جالس في البيت وقت المساء وماعنده شغل وبدأ يرد على كل المكالمات فـ وش صــــار اخليكم مع القصه..
متصلة: آلو مساء الخير لو سمحت هدى موجوده؟
أحمد: هلا والله بهالطله يا معودة حرام عليج والله
متصلة: شنو شسالفه شسويت عشان حرام علي
أحمد: والله انتي المفروض يأخذونج سوبر ستار عليج صوت يهبل
متصلة: صج؟ عاد انا ودي بس من رديت انت على التلفون طاب خاطري....طوط طوط طوط
أحمد: يه وين راحت هذي شفيها سدته بويهي
وفجأة يدخل أبو أحمد وهو محذر أحمد من انه يجلس يم التلفون أو انه يرد على اي مكالمه ... من كثر المشاكل اللي مسويها
أبو أحمد: أحمدوه شتسوي عند التلفون؟
أحمد: يرقعها..يا الطيب وين الاثنين حلوم الي طلبناهم هلا يبه هذا انا اكلم راعي المطعم
أبو أحمد: زين بس لا تطول ولا تقعد عند التلفون
أحمد: ان شاء الله يبه انت تامر أمر
متصلة أخرى: آلو مساء الخير ممكن أكلم ابو هاني
أحمد أفا عليج وياج أبو هاني وأبو مدحت آمري فديت هالصوت انا
وفجأة تدخل أخت أحمد ويغير أحمد الموضوع عشان ماتعلم الوالد
أخت أحمد: أحمد أبوي ما قالك لا تقعد عند التلفون
أحمد: يرقعها مره ثانيه.. وين الخمس بطاط وفلافل الي طلبناهم من شوي
ويوم راحت اخته وكانت تظن انه يكلم المطعم فرن جرس التلفون مره ثانيه
متصلة: آلو منو معاي؟
أحمد: معاج حبيب القلب ياعمري انا أبو نزار
المتصلة: أحمدوه شخبار الحلوم والبطاط والفلافل وصلوا ولا لأ..؟
أحمد: ها انت منو؟
المتصلة: انا أمك يا حمار عطني أبوك
أحمد: يمه والله خلاص ما أسويها بس لا تقولين لأبوي
أم أحمد: شمقعدك عند التلفون يا الأثول
أحمد: اي شسوي يمه ما كو شغل
